走咗去紐約幾日,去嘅時候班 American Airline 上面D空姐同空少, 感覺平均年齡係差二三年就退休嗰隻, 推架推車無氣流都撞到我三次.到咗之後原本諗住叫 UBER, 點知個 App 話附近一架都無, 出到外面發現原來係因為禁區,除咗正式的士之外其它都只可以係私家車 Pick Up, 一出到去見到一行黃的, 一路行過去就有好多一睇就知係無牌的喺度等客, 不停咁話自己係UBER. 其間發現機場到酒店係 US$ 56 Fix Rate, 咁我地就當然好醒咁跳咗上部黃的走人啦.我地住嘅係 Crowne Plaza HY36, 喺 West 36th, 8AV 同 9AV 之間, D Staff 好 Nice, 從入住到 Check Out 都好好, 出入同你 Say 聲 Hi. 從酒店行去 Time Sq 唔洗 10 分鐘. 街口有間 7-11, 所以可以買D零食返酒店.去地鐵站唔洗 5分鐘有 34ST Penn Station. 去 Downtown 同 Brooklyn 超方便.走咗去朋友介紹嘅一間食肆, 叫Spaghetti Incident, 對意粉有興趣嘅朋友一定要去, 超好食. 食完之後一路行到Brooklyn Bridge,其間路經 China Town, 有好多好正嘅 Graffiti.出咗海. 去咗 Manhattan 南面公園Battery Park, 原本諗住去自由神像, 但發現入裡面要預早成個月 Booking.跟住咁啱見到有帆船 Tour, 咁我地就 Pat 痕 Join 咗去走咗一轉.後記:基本上做完野之後去玩係好輕鬆, 不過當你發現時間唔太夠而自己又有好多地方想去嘅時候, 就會 Stress. 但係過一陣, 心就會有把聲同你講: "算吧啦!你認命啦~ 去唔晒嫁啦.." 咁就精選D真係超想去嘅. 所以有好多朋友介紹嘅地方都未有機會去, 只好等下次囉~~
目的地:
- 不限
- 日韩港澳台
- 东南亚及亚洲其他
- 欧洲
- 大洋洲 北美
- 非洲 南美