【🥜試新嘢-天然濃郁NUT屎醬】

(配合返品牌定位，我個食評都local少少) 作為一個麵包控，同麵包有關嘅嘢自然都會有興趣，其中一樣就係醬🤣 加上我係好鍾意奶醬多，所以堅果醬我係特別有興趣～新年到，嚟緊我會去拜訪一個情迷花生醬嘅friend屋企，咁無理由手fingfing咁去，於是我搵到呢個made in HK嘅堅果醬品牌，勁過癮喎🤩🤩

品牌有6款醬，包括：
🔹花生醬
🔹杏仁醬
🔹純榛子醬
🔹腰果醬
🔹胡桃醬
🔹黑芝麻醬

一開始我係因為花生醬同包裝而留意到佢哋，原來有咁多款堅果類醬料，最好係100%純天然，加上用上低溫烘培、冷壓研磨，咁樣製作出來嘅醬料營養成份保留得最多亦健康好多～
我個人好鍾意mix&match，醬唔一定搽方包，反而同有味嘅麵包夾到使用度先會高。花生醬用上精選紅皮花生，令花生醬甜味會突出少少，扭開蓋花生豆香特別濃郁，綿密之中依然帶輕微碎粒，滿足到喜歡口感但唔想好「咬」嘅人😍

另外我推薦係純榛子醬，平時食開Nutella佢會比朱古力蓋過好多味，呢款甜味唔會好強，但榛子香好天然醇厚，亦無花生醬咁稠，搽四尖八角嘅包唔錯，呢日我個包有少少無花果甜，兩者都好夾，而且佢有好香濃金莎味，好正！！

如果大家係根據甜度去選擇堅果醬的話，最甜其實係有奶油香嘅腰果，其次係杏仁，呢兩款搽麥包都幾好，而營養成份滿滿嘅黑芝麻醬都係送禮之選，佢用台灣進口低溫烘培黑芝麻，芝麻香氣撲鼻，就好似成罐芝麻糊咁，搭配埋自家製作黑芝麻糕一set咁送真係好得體，呢個黑芝麻糕因為加咗麥芽糖，所以口感同一般芝麻糕唔同，炒香嘅黑芝麻配甜甜嘅麥芽糖，配茶做下午茶小食都唔錯😋

話說我收到產品扭開嘅時候發現有層油浮上面，心諗：唔係掛，係咪壞？原來係因為無加乳化劑，放一陣就會堅果油有分層，撈返就得🙈　大家買嗰陣遇到呢個情況記得冷靜呀～
📍 @sonut.hk

#sonut
#鬚甩
#花生醬
#堅果醬
#鬚甩堅果醬
#852_試新嘢
#試新嘢
#一個人食乜好 #hkigshop #hkfoodhunter #hkfoodhunt #hkeats #hkfood #hkfoodies #hkfoodsnap #hkfoodstagram #hkfoodblogger #香港美食 #hkfoodpic #852FV_food